wo tha ek lamha-e-takhliq
jis ne aag raushan ki

tadapti thi safura dard-e-zeh se
aur musa ko

sar-e-wadi-e-sina nur ka lapka nazar aaya
khuda-e-azz-o-jal se

ham-kalami ki saadat ho gai hasil
mila ohda payambar ka

magar wo kokh mein jis ne
mahinon tham kar rakkha

mohabbat ka munazzah lamha
jis ne ghuncha-e-nauras ko chatkaya

sar-e-shakh-e-rifaqat
jis ne lori ke bune hain bol

wali hai wo
nabi hai

aur na paighambar