des des mein palne wale pyare pyare bachcho
aane wala kal hai tumhaara

ab tak to haqdar ne paya mushkil se insaf
tum mat karna zulm gawara

aane wala kal hai tumhaara
nagar nagar ko apni ruh ki aag se raushan kar do

duniya ki mayus nigahen ummidon se bhar do
mustaqbil ki rah se chun lo sab angare bachcho

desh desh mein palne wale pyare pyare bachcho
pyare bachcho tum se hoga ek aisa aaghaz

sikhegi ye duniya jis se jine ka andaz
jitne dukh-sukh hain is jag mein bant lo sare bachcho

des des mein palne wale pyare pyare bachcho
aane wale kal mein hoge tum is bagh ke mali

dekho ab na rahne pae ek bhi tahni khali
tum hi ho taqdir jahan ke raushan tare bachcho

des des mein palne wale pyare pyare bachcho