har gham ko bhul jao diwali ki raat hai
aao diye jalao diwali ki raat hai

har dip de raha hai nai subh ka payam
ab tum bhi muskurao diwali ki raat hai

main ne bhi kuchh charagh-e-mohabbat jalae hain
bachcho qarib aao diwali ki raat hai

chhote badon ka bhed na rakkho dilon mein aaj
sab ko qarib lao diwali ki raat hai

hansta hai ye diwali ka ek ek charagh aaj
honton pe gul khilao mithai udao mauj

aur phuljhadi chudao diwali ki raat hai