dur gagan ki us nagri mein kale baadal shor machate aankh-michauli khel rahe the aur chaman ke virane mein khud-raw paude pile badan mein sar ko chhupae kanp rahe the aise mein ye main ne dekha surkh gulab ka nanha pauda virane se jhank raha tha us ki aankhon se baadal ko tak raha tha baadal apni aankh-michauli bhul gae the chaman ke virane mein warsha ghunghru bandh rahi thi khud-raw paudon ki aankhon se aasha bahar jhank rahi thi