hum jitenge
haqqa hum ek din jitenge

bil-akhir ek din jitenge
kya khauf zi-yalghaar-e-ada

hai sina sipar har ghazi ka
kya khauf zi-yurish-e-jaish-e-qaza

saf-basta hain arwah-u-shshuhada
dar kahe ka

hum jitenge
haqqa hum ek din jitenge

qad jaal-haqqo wa zahaqal-baatil
farmuda-e-rabb-e-akbar

hai jannat apne panw tale
aur saya-e-rahmat sar par hai

phir kya dar hai
hum jitenge

haqqa hum ek din jitenge
bil-akhir ek din jitenge