har baras in dinon main kahin bhi rahun
silsile abr ke

sust-rau tez-rau qafile abr ke
yunhi aate hain qulzum lutate hue

yunhi jate hain ye un ka dastur hai
lekin ab ke baras

main akela sar-e-dasht tishna khada
un ko rah rah ke aawaz deta raha

mujh ko bhi sath lete chalo
qafila chhut gaya hai mera

silsile abr ke
qafile abr ke

yunhi aate rahe
yunhi jate rahe

kab se aankhon ko hasrat hai barsat ki