kisi ne chehra hamara kabhi padha hi nahin
kisi ne nam hamara kabhi liya hi nahin

tumhaari bazm mein hum bhi sharik rahte hain
hamara haal kisi ne kabhi suna hi nahin

buland-o-bang ya dawe ye dosti ke usul
amal ke nam se khali rahen to sare fuzul

kabhi to pas-e-adab ho wafa-shiari ka
dil-o-nazar mein ho jazba khulus-kari ka

agar ye baat nahin hai to roz ka milna
zamane-bhar ke masail pe guftugu karna

bas apne-ap ko ek ba-khabar samajh lena
dikhawa jhut tasanno fareb-kari hai

hamare dil pe usi gham ka bojh bhaari hai