jama ho kar kahin do chaar bachche
magan the khel mein hanste hansate

unhi mein ek bachcha hans ke bola
meri nani sunati thin latifa

mere dada ne banwaya tha dalan
hazaron baith sakte jis mein insan

ye sun kar dusra bachcha bhi bola
bade andaz se ek raaz khola

mere dada ke pas aisi kaman thi
ki tir us ka kare sair aasman ki

kaha bachchon ne tum gap marte ho
miyan tum bhi kahan ki hankte ho

kahan rakhte the dada us kaman ko
ki jis se tir chhu le aasman ko

jawab us ne diya sun kar suno to
nahin gap hai haqiqat mere yaro

jo dalan is ke dada ne banaya
kaman rakhte the us mein mere dada