harf

wo harf-e-akhir kahan gaya hai
wo harf jis ki tahon mein apni

mohabbaton ki jo ek kahani chhipi hui thi
wo ek kahani ki jis ki rau se hi umr bhar ka

qarar pate bahaar pate
mohabbaton mein surur dil ka suragh pate

wo harf-e-akhir kahan gaya hai
wo harf jo ek shajar ki surat

hamare gulshan-numa makan mein
bahut aziyyat bhari faza mein

khizan ke mausam ke daeron se
guzar ke fasl-e-bahaar lata

wo harf aakhir kahan gaya hai
wo harf hi to hamare sar par

jo ek saya-numa shajar tha
ki jis ke sae mein rah ke hum sab

dukhon ke sare
azab ke din

khushi khushi hi guzar lete
wo harf-e-akhir

bichhad ke hum se
kahan gaya hai

ye sara qissa
bayan kar ke

jo aaj hum ne kisi se puchha
wo ghaur kar ke

alamaton ko samajh ke sanjidgi se bola
'azim' wo harf mar chuka hai


This is a great luka chuppi shayari. True lovers of mohabbat shayari new will love this. For some people shayari is the most enjoyable thing in life and they absolutely adore lata haya best shayari. Please share if you liked this!!!