jate phagun holi aai
sab ne mil kar holi gai

dhab dhab dhab dhab dhol bajaya
holi gai rang uchhaala

rang birangi pudiya gholi
bachchon ne chhodi pichkari

rang mein dube budhe bachche
sadkon par sab uchhle kude

phir ghar ja kar khub nahae
kapde khushbu se mahkae

aapas mein khush ho ke mile hain
dil mein khushi ke phul khile hain

jate phagun holi aai
sab ne mil kar holi gai