apni zindagi ke liye hum ek qatl ke shukr-guzar hain jise moakhkhar kar diya gaya warna ek mohabbat thi jo hum ne dil mein chhupa kar rakkhi hui thi aur ek nafrat thi jis ka pata hum kisi ko nahin lagne dete the warna hum ne wahi qusur kiye the jo mare jaane walon ne kiye the warna hamare bapon hamare jaane ki wajah hamare birth-certificate mein darj kara di thi apni zindagi ke liye hum ek qatl ke shukr-guzar hain jise moakhkhar kar diya gaya warna hamein sirf ek khud-kushi ka mamnun rahna padta jo hum ne multawi kar rakkhi thi