aaiye waqt ke chehre se uthaen ye naqab
aaiye apne raqibon se mulaqat karen

aaiye pyar ki tahzib ka unwan ban kar
ek nae ahd ki takhliq ki kuchh baat karen

aaiye is kadi diwar-e-sitam ko dhaen
sab mein taqsim mohabbat hi ki saughat karen

baith ke dil ke darichon ko zara kholen to
khulte mausam ki hawaon ko giraftar karen

jo na socha tha kabhi hum ne wo sochen be-shak
mil ke chalne ke liye zehn ko tayyar karen

aag nafrat ki jalati hai khushi ke aangan
phul khushbu se zamin ko hasin gulzar karen

faisla ab na hua jang se be-zari ka
to kabhi amn ka mahaul na hoga tari

aag barud ki bu aaegi is mitti se
tank topon mein basar umr ye hogi sari