dil aaj sarf-e-naz kiye ja raha hun main
pabandi-e-niyaz kiye ja raha hun main

naqsh-e-qadam pe un ke jhuka kar jabin-e-shauq
sajdon se sarfaraaz kiye ja raha hun main

ai ishq bhar ke de mujhe phir jam-e-be-khudi
ab phir kuchh imtiyaz kiye ja raha hun main

dekha hai us ne phir nigah-e-fitna-saz se
phir dil pe fakhr-o-naz kiye ja raha hun main

us mah-jabin ke husn ka de kar hasin fareb
taron se saz-baz kiye ja raha hun main

phir kar raha hun shahid-e-fitrat se chhed-chhad
phir inkishaf-e-raaz kiye ja hun mein