mauj lete sahil par ya kisi virane mein sham ke dhundalke mein tez chadhti sanson mein intiha mohabbat ki dekhna jo chaho to din nikalte lamhon mein nange pair chalte tum aao aise sahra mein jis mein mukhtalif rangon mukhtalif qabilon ke dher sare panchhi hon un ki boliyon par phir ghaur se tawajjoh do ye chahakte panchhi sab apni apni boli mein baat-chit karte hain apne dukh sabhi mil ke kaise bant lete hain us se zyaada aur kuchh tum dekhna jo chaho to intiha mohabbat ki dekhna jo chaho to sahil-e-samundar par zard ret ke andar panpe wo sabhi paude kis tarah ye palte hain kis tarah ubharte hain kaise ret ke niche pani un ko milta hai intiha mohabbat ki us jagah pe milti hai hum azim logon mein falsafa mohabbat ka sirf socha jata hai sirf likkha jata hai