ye baaten hain jawani ki kahani hai
jawani hai jawani mein

ki quwwat bazuon mein hai
wahi hai umr jo aksar

sabab banti hai jurat ka
wa shohrat ka

ye baaten hain jawani ki kahani hai
jawani ki bana kar tegh

jis ko shahsawaron ne
akhade zulm-o-zillat ke

sabhi lashkar zamin par se
samundar se

ye baaten hain jawani ki kahani hai
magar daur-e-jawani ye

bahaar-e-zindagi ban kar
nahin aaya mere ghar mein

raha rukha sahn mera
zehn mera

ye baaten hain jawani ki kahani hai
yahan kuchh uljhanen thi yun

zehn ka rog ban kar ke
jinhon ne mujh ko khaya hai

jalaya hai mujhe har din
ghadi gin gin

ye baaten hain jawani ki kahani hai
kisi nazdik wale ne

fareb aisa diya ki bas
yaqin mera sabhi jag se

utha bilkul utha yak-dam
raha bas gham

ye baaten hain jawani ki kahani hai
parinda hun nahin hain par

hain talwaren miyanon mein
nahin jata hun jangon mein

kisi ghar mein kisi dil mein
na mahfil mein

ye baaten hain jawani ki kahani hai
main badbakhton ka waris hun

nianderthal se le kar ke
ye homo-sapien kitne

jale yunhi kahani mein
jawani mein