ye kaisa safar hai
ki jis mein tere ghar ki chaukhat na guzri

mere be-nawa panw ke aage pichhe
tere ghar ki diwaron mein simta simta

mere hisse ka ek be-mehr saya
kabhi apne hujre se bahar na nikla

ye kin raston se guzarna hua hai
har ek mod par istifham-e-mukarrar

ye mana ki hum sab ki sansen hain girwi
ki ye waqt tera hi tabe na mera

magar jaane kyon ek yaqin sa hai mujh ko
tu chahe to tute tilism-e-zamana