ek hujum-e-be-karan
shahar ki sadkon pe galiyon mein rawan

din ke hangamon ko rakhta hai jawan
ek jaanib silsila-e-ha-e-imaraat-e-buland

jin ke minare falak se mil gae hain ja-ba-ja
shahar ki satwat ke azmat ke nishan

dusri jaanib hai bosida makanon ki qatar
muddaton se gardish-e-lail-o-nahaar

hai us aabaadi mein jin ki nauha-khwan
ai karachi ai nigar-e-jaan-sitan

go tere rukh par khuli hai chandni
teri galiyon mein andheri raat hai