kitab-e-hayat ka ye panna
achchha hota jo barqarar rahta

waqt ki tez raftar par
kash mera bhi ikhtiyar rahta

ek dilkash safina ban kar
guzre waqt ka lamha lamha

aankhon ki gahri jhil mein
khae hachkole rafta rafta

ye safina sahil pa bhi leta
gar hath mein patwar rahta

yun to ek lambe arse tak
sath rahe hum ek jagah

lekin jaise hi mile kyun
judai ka lamha aa gaya

qafila waqt ka yahin tham jae
hai bas yahi intizar rahta