mujhe aaj phir tum se mil kar badi na-umidi hui hai wahi tarz-e-guftar chehre pe gahri udasi ka aalam zamane ki bedad haalat ki kaj-adai ka shikwa tag-o-tar taqdir ki na-rasai ka matam tahi-damani par pasheman hone ki masum koshish jawan khubsurat mahakte hue roz-o-shab ka tasawwur nashat-afrin mahfilon mein kabhi baryabi ka darman gulabon ki manind khilte hue jism chhune ki khwahish mujhe kab se hasrat hai ek shab kabhi tum meri mahfil-e-naz mein yun bhi aate mujhe jism-o-jaan ki sabhi rahaten saunp dene mein koi takalluf na hota