teri taswir tere husn ka ye aks-e-jamil tere honton ka tabassum teri aankhon ka surur tere is nuqrai mathe pe tilai jhumar chand ki kirnon mein bahta hua ek mauja-e-nur ye tere marmarin bazu pe ghaneri zulfen aaj sakit hain pas-e-parda-e-taswir magar chand mubham se nuqush aur ye dhundle khake tu ne bheje hain ki ho jaegi taskin-e-nazar kash ye tedhi lakiren yahi dhundle khake paikar-e-hasti ke sanche mein agar dhal sakte meri maghmum tamannaon ke khamosh charagh teri sanson ki hararat se kabhi jal sakte