kya zaruri hai ki hum phone pe baaten bhi karen kya zaruri hai ki har lafz mahakne bhi lage kya zaruri hai ki har zakhm se khushbu aae kya zaruri hai wafadar rahen hum donon kya zaruri hai dawa sari asar kar jae kya zaruri hai ki har khwab hum achchha dekhen kya zaruri hai ki jo chahen wahi ho jae kya zaruri hai ki mausam ho hamara sathi kya zaruri hai safar mein kahin saya bhi mile kya zaruri hai tabassum yunhi maujud rahe kya zaruri hai har ek rah mein jugnu chamkin kya zaruri hai ki ashkon ko rawani bhi mile kya zaruri hai ki milna hi muqaddar thahre kya zaruri hai ki har roz milen hum donon hum jahan ganw basaen wahan ek jhil bhi ho kya zaruri hai mohabbat teri takmil bhi ho