jo chahte ho ki tum ba-waqar ban ke raho
to zindagi mein kifayat shiar ban ke raho

diya hai rab ne to be-shak tum us ko kharch karo
magar ba-qadr-e-zarurat ho be-hisab na ho

har ek shai ko baratne ka ek tariqa hai
is tarah se kifayat bhi ek saliqa hai

wo chahe tel ho bijli ho ya ki pani ho
na koi chiz ho zaea samajh ke sarf karo

jo shah kharch the duniya mein wo zalil hue
jo jaante the kifayat wo khud-kafil hue

bura na manna bachcho meri nasihat ka
tumhin ko bojh uthana hai mulk-o-millat ka