lagi aag dil ki bujhaenge kyunkar tabiat ko raste pe laenge kyunkar jo be-dard hain rahm khaenge kyunkar wo bhule se ghar mere aaenge kyunkar bala se koi ishq mein khar bhi ho gham-o-ranj-e-paiham se na-chaar bhi ho salamat rahen dil ke tadpane wale tamannaen meri na bar lane wale sawal-e-mohabbat ko thukrane wale na pas aane wale na kaam aane wale unhen kya ta'alluq fughan-o-buka se faqat kaam rahta hai qahr-o-jafa se