is ek lok gatha ne
bachpan ke wo din

mujhe phir dilae hain yaad
ki jab main kai bar

papa ki godi mein baithi
badi aankh wale

bhayanak bade azhdaha ki katha sun rahi thi
jise shahzade ne hi mar dala tha aakhir

ye kuchh is tarah lag raha tha
ki jaise ye kal hi hua ho

bhayankar nazar aane wala bada azhdaha jab
idhar shahzade ko khane ko lapka

to main ne jhat apna chehra
chhupa dala papa ke kandhon ke bich

yahi jaan kar mere papa bacha lenge mujh ko
agar azhdahe ne yahi faisla kar liya ho ki mera badan

shahzade se ziyaada laziz hi to hoga
jo ab is qadar apne papa se dur

milun azhdaha se
ladungi main us se zarur

apne papa ki gahri mohabbat ke bal par
ki wo azhdaha ab bhi rahta hai

tahzib ke mare logon ke bich
ki aakhir mere papa ki lok-gathaon ne hi

dikhaya hai mujh ko
ki achchhaiyon hi ki hoti jit is jahan mein

chunanche mujhe jis qadar apne papa pe pakka yaqin hai
un ki sab lok-gathaon par bhi hai utna yaqin