teri surmai aankh se bahne wala siyah ashk
jis ne malal odh kar teri takmil ki

main ne jo bhi kiya
apne andar ka wahshi jaga kar tere samne sar-ba-zanu kiya

ya udasi ke jabde se chhini hui ranj ki is ghazabnak khurak se tera dozakh bhara
teri takmil ki

ab mujhe bhi aziyyat ki babat mein koi sitara badan chahiye
apne andar ke shor-o-shaghab se nikal kar meri baat sun

shakh-e-ummid par koi kanta khila
mujh ko wapas bula