us nazar bas usi nazar ki qasam
jo mujhe ye bata ke laut gai

kyon rag-e-jaan mein phul khulte hain
phul kyun pairahan badalte hain

pairahan kyun hasin hote hain
dil ko kab aql aane lagti hai

aql kab sau qayas bunti hai
kab qayason mein ghar sanwarte hain

chand ke har tawaf ke maani
khushbuon ke hisar ka matlab

kyun hai baad-e-nasim ki gardish
ab main samjha bahaar ka matlab

kaenat ab samajh mein aai hai
ab khudai ke raaz samjhe hain

zindagi ab nahin muamma-sifat
ab mashiyyat ke tar suljhe hain

meri har ek his ko teri talab
meri har sans justuju teri

tu sarapa har ek manzar mein
aur khushbu bhi ku-ba-ku teri

tu ne dekha hai jis nazar se mujhe