barson guzre
kisi jhil mein pankh duboe hue

sadiyan bitin
sar-e-sahil banh pasare hue

wo man-sarowar
jis mein sahar ki halki mithi dhup bhi hai

pedon ka ghanera saya bhi
aur qul-qul karti khamoshi

wo jis ki rahen durgam si
ye hans use pa jae agar

sab gard wahin dho aaega
sab dard dubo aaega wahin

wo jis ki tamanna mein din din
ye pankh bikharte jate hain

ye sans ulajhti rahti hai