tarik raat pichhle pahar tak thi shoala-bar
ai subh-e-nau muaf ki jaga hun der se

tere liye himala se lata hun ek git
pahle ye apni surkh kiran tez-tar to kar

tere liye uthata hun gang-o-jaman ka saz
nahid naz panw mein chhagal pahan to le

chunta hun phul jannat-e-kashmir ki qasam
han ai nigar-e-nau zara aarasta to ho

main todta hun panw ki zanjir dekhna
in gesuon ko pahle zara muntashir to kar

pahle ye apni surkh kiran tez-tar to kar