main nae sal ki saughat tujhe kya bhejun
ek barahman ne kaha hai ki ye sal achchha hai

mah-washon zohra-jabinon ka khayal achchha hai
yani bite hue mazi se ye haal achchha hai

sar-phiron ke liye ulfat ka wabaal achchha hai
jitne arman hain sine mein nikal achchha hai

raat bhar zehn isi fikr mein hairan raha
teri zulfon ki tarah main bhi pareshan raha

dil mein ek dard ka chadhta hua tufan raha
khali-khali sa khayalat ka gul-dan raha

dasht-e-hasrat mein bahut der pareshan raha
koi takhliq koi sher koi nazm-o-ghazal

koi guldasta-e-afkar khayalon ka mahal
koi naghma koi khushbu koi yaadon ka kanwal

koi taswir koi khat koi udta baadal
painting koi koi art ka taza model

mashwara dil ka hai mehr-o-mah-o-anjum bhejo
waqt kahta hai ki ab khosha-e-gandum bhejo