tum chaak-gareban ho hum bhi tahi-daman hain tum hum se gurezan ho hum tum se gurezan hain tum nok-e-qalam jaanan ek nazm-e-fughan likkho jo bol na pao wo sab harf-e-nihan likkho kuchh harf-e-dua likho kuchh bahr-e-khuda likho jo naqsh hue dil par wo naqsh-e-wafa likho phir yaad karoge tum jab pas na hoegi aaghosh-e-lahad mein jab dam-saz ye soegi dohraoge sab baaten jo tum se kaha karti jo sunti tumhaari bhi kuchh apni kaha karti ilzam bhi tum doge phir gardish-e-dauran ko aur yaad karoge is khamosh nigahban ko