wo aaya shahr ki taraf
ek us ki chap ki khanak

qayam-e-roz-e-ishq ki pukar thi
ki barg-o-bar-e-khak ka fishaar thi

wo aaya shahr ki taraf
lapak ke int ki taraf

wo is tarah badha ki jaise nan-e-khushk par koi
sag-e-gurasua gir pade

wo galiyon bhari zaban gali gali chhalak padi
har ek jeb us ki ungliyon se tar tar thi

ki us ki thuthni se phutti gamak
qiyam-e-roz-e-ishq ki pukar thi

wo galiyon bhari zaban mera libas gandagi se bhar gai
na jaane kitne log

us ke dast-e-dashna-dar se guzar gae
hayat par kar gae

wo be-hunar subuk-tani se dar gaya
sab us ki rah se hat gae

to us ne apni ruh ki barahnagi
zamin-e-mah ki taraf uchhaal di

ki ye hunar usi ka tha