phul the aur qahr khushbu ka
khauf ke ghunghru chhan se bajne lage

chandni ko farogh tha itna
raat bhar is tilism ka fitna

sar uthata raha mere andar
sehr mein qaid aarzu mein gum

sab ke sab hum
sab ke sab tum

jaan jokhon mein dal kar nikle
ek kushada makan ki chhat par

nargisi chehre baal khole hue
matami sur mein git gate hue

apna to dil hi kanp jata hai
us gali mein hai bel phulon ki

jis ki khushbu pe sanp aata hai