sunte the
gunahon ki intiha

zamin par had se
jab badh jaegi

to qayamat
barpa hogi

barsegi aag
aaega sailab

qudrat ka qahr
nazil hoga

allah rahm kare
aaj is haul-nak daur se

guzar rahe hain hum
jahan

zamin ke har khitte mein
tukdon tukdon mein

zindagi ho rahi hai tabah
kahin jang kahin wahshat

kahin bhuk kahin dahshat
gunjte dhamake

bahte dariya lahu ke
maut ke qahqahe

yahan se wahan talak
zahrili fazaon mein

bebasi hi bebasi
goya sab kuchh

apne ikhtiyar se be-qabu
ab aur kis shakl mein aaegi qayamat