wadi-e-majnun mein
aabru-e-khun mein

ru-e-sarshaar-o-hasin
manzar-e-shab ke qarin

main tumhein tartib dun
qurb ki targhib dun

aks ki tarif mein
rasm ki tahrif mein

ek afsana kahun
subh tak jalta raha hun

tum khiram-e-naz se
nutq-o-lab ke saz se

marg-asa jaan-ba-lab
jada-e-tarik jab

zinda-o-raushan karo
aur lahra kar chalo

qatl kar dena use
aks jo tum sa na tha

harf jo mujh sa na tha
jazb-e-shoala-e-khu na tha

rang jo khushbu na tha