reza reza ikaiyan
wo ek shai

jis se apna rishta juda hua hai
wo ek shai

jo hamari us ki
har ek ki haddiyon mein pinhan

lahu lahu mein basi hui hai
wo shai azal se

jo apni majlis mein ji saki hai
na tutti hai na mar rahi hai

wo ek shai be-panah si hai
wo tang-o-tarik si guphaen

abhi abhi ek lamhe mein jo suni suni si ho gai thin
kuchh aur tarik ho gai hain

reza reza ho kar
dason dishaon mein

ji rahi hain