sadak be-dhadak ham-safar hai
chali ja rahi hai ki bas manzil-e-shauq hadd-e-nazar hai

kai ham-safar rah gae raste mein
magar ye rawan hai hamesha

shajar shahr naddi musafir
har ek se use pyar sa hai

milan ki kai hasraten apne andar samete
kade faslon ki masafat lapete

yunhi lete lete
chali ja rahi hai

sujhati hui ham-safar ko
jahan bhi to ek rahguzar hai

sadak be-dhadak ham-safar hai