kya khub ho gar is duniya se
sarhad ka nam khatm ho jae

sare des sab ke des hon
ruh ko jism

aur jism ko ruh se milne ke liye
kisi wize ki zarurat na ho

jo chahe, jab chahe, jahan chahe
jis se mile

jo chahe, jab chahe, jahan chahe
chala jae

koi pabandi na ho
kaghaz pe lagai hui lakiron se

duniya ke is naqshe par
nafrat bantne walon ke

khwab adhure rah jaen
kya khub ho gar is duniya se

sarhad ka nam khatm ho jae