sarhad ke is par jo kal
kuchh khun ki chhinten aai thin

sarhad ke is par ki thin
ya sarhad ke us par ki thin

sarhad ke is par jo kal
ek khamoshi chhai thi

sarhad ke us par hi thi
ya sarhad ke us par bhi thi

sarhad ke is par jo kal
kuchh zehn zakhmi zakhmi the

sarhad ke is par hi the
ya sarhad ke us par bhi the

kal sarhad ki wo bechaini
is par ke manzar pe hi thi

ke us par ke manzar pe bhi thi