ghar lauta suraj bechaara dhire dhire
phail gaya har su andhiyara dhire dhire

mand hui rangin shafaq ki sari shokhi
dhuan hua wo manzar pyara dhire dhire

sungh liya kal wadi ko ek gahri chup ne
dur kahin gae banjara dhire dhire

mandir mein naqus bajata jhino jhino
masjid mein gunje naqqara dhire dhire

aan raha kothe ke upar chalte chalte
khoya khoya chand hamara dhire dhire

baadal pichhe sulag raha hai mithe mithe
nil gagan mein sham ka tara dhire dhire

manjhi gae gata jae haiyya haiyya
lo kashti ne chhua kinara dhire dhire

nindiya i sapne lai chori chori
soya 'tariq' raj dulara dhire dhire