wahi sab tha
wahi gham tha wahi rab tha

wahi atwar-e-kaukab the
wahi dastur nakhshab tha wahi sab tha

magar is bar ro lene ki aazadi bhi mujh se chhin gai aise
ki ye kahna pada pichhle dukhon mein ek sukh to tha

kam-az-kam rone ke khufiya tariqe sochna mujh ko na padte the
mujhe kahna pada aakhir

ki shayad pahle hi circus mein main kuchh us se behtar thi
main is circus mein gidad hun

magar main sabiqa circus mein mitti ki sahi par sherni thi main