khwabon ki afsurda hawa mein rahne wale surkh gulab
jangal ki tarik faza mein le ke nikal aate hain charagh

raat gae jab chand ka chehra dekhte hain sharmate hain
aur kisi ghamgin shajar ke sae mein so jate hain

dekho apne dil ki lagan mein bahne wale surkh gulab
aakhir apne dil ki lagan mein apna pa jate hain suragh

yani khwab mein suraj ban ke jangal mein lahraate hain
wo jo kisi ghamgin shajar ke sae mein so jate hain