tumhein
ghussa aata hai

meri bhulne ki aadat par
main tumhaare pas

nazmon ki kitab bhul jata hun
tum

use lauta deti ho
main apni ainak

tumhaare pas bhul jata hun
tum

use lauta deti ho
main apna qalam tumhaare pas bhul jata hun

tum
use lauta deti ho

mujhe bhi
tumhaari tarah

apni bhulne ki aadat par ghussa aata hai
main kuchh na kuchh

har bar bhul jata hun
is bar

main apne aap ko
tumhaare pas bhul aaya hun

tum
mujhe lautana bhul gai ho