tu shahr mein nahin hai tu shahr-e-jaan ke andar aalam hai zalzalon ka wahshat bichhi hai har-su aankhon ki putliyon pe yaaden tumhaari aansu ban ke ruki hui hain ek bhid hai agarche aankhon ke aage har-su khud ko main dekh kitni tanha si lag rahi thi phir ek-dam se mujh ko thandi hawa ka jhonka barfab kar gaya to sargoshiyon mein khud ko main ne yaqin dilaya tu hai jahan kahin bhi dil ke qarin hai mere aaega laut kar tu mere hi bazuon mein tu shahr mein nahin hai tu shahr-e-jaan ke andar aalam hai zalzalon ka