jo shama-e-ilm-e-maghrib sayyad ne kei thi raushan
bikhri hui hain jis kei kirnen har anjuman mein

us sham-e-ilm-o-fan kei kuchh muntashir shuaen
yaran-e-bazm tum ho us gosha-e-dakan mein

lekin ye shab rakkho sachchi shua wo hai
aankhon ka nur ban kar phaile jo mard-o-zan mein

jo shama se nikal kar duniya ko jagmaga de
jo ruh-e-taza phunke har paikar-e-kuhan mein

mahaul ke asar se aae na farq lazim
gulzar kei kiran aur kohsar kei kiran mein

aur ye nahin to phir tum mitti ka wo diya ho
afsurda nur jis ka mahdud ho lagan mein

'sayyad' ne nisbaton ke dawe to sach hain lekin
ek pahlu-e-amal bhi darkar hai sukhan mein