zindagi ke mele mein khwahishon ke rele mein tum se kya kahin jaanan is qadar jhamele mein waqt ki rawani hai bakht ki girani hai sakht be zamini hai sakht la-makani hai hijr ke samundar mein takht aur takhte ki ek hi kahani hai tum ko jo sunani hai baat go zara si hai baat umr bhar ki hai dard ke samundar mein an-ginat jazire hain be-shumar moti hain aankh ke dariche mein tum ne jo sajaya tha baat us diye ki hai baat is gile ki hai jo lahu ki halwaton mein chor ban ke aata hai lafz ki fasilon pe tut tut jata hai zindagi se lambi hai baat rat-jage ki hai raste mein kaise ho baat takhliye ki hai takhliye ki baaton mein guftugu izafi hai pyar karne walon ko bas ek nigah kafi hai ho sake to sun jao ek roz akele mein tum se kya kahen jaanan is qadar jhamele mein
Please share if you liked this!!!