zindagi tere nakaam logon ne
to mushkilon se hamesha guzara kiya

regzaron mein baithe sulagte hue
khwab bunte rahe dard chunte rahe

dil ke pagal suron par udasi ke hi git sunte rahe
sar ko dhunte rahe

git gate hue zakhm bunte hue khwab chunte hue
dasht-dar-dasht jiwan ki gathri uthae hi chalte rahe

sans ki dhonkni yun hi chalti rahi
kuchh khabar hi nahin ho saki thi ki kab sar pe sham aa gai

zindagi tere bare mein ab kya kahun
kis ke hisse mein aane ki khwahish hui

kis ke kaam aa gai