us ki palkon pe ghata ban ke jo chhaya sawan
phir to main hans pada kuchh is tarah barsa sawan

chadhte suraj ke shuaon se jo barsa sawan
main ne dekha na suna tha kabhi aisa sawan [...]

arman zamin ke jag uthe dildar ye pahli barish hai
kal soch raha tha sara jahan dushwar ye pahli barish hai

ranjish jo hamare beach rahi to aag falak ne barsai
ab soch na kuchh mausam ko samajh ai yar ye pahli barish hai [...]

khub baadal ka barasna pyar hai barsat mein
rahmaton ka is tarah izhaar hai barsat mein

arsh se aaya zamin mein jazb pani ho gaya
aap ko aane mein hum tak aa rahe barsat mein [...]

mera jazba-e-shauq kaam aa raha hai
ki bazar mein dekhun aam aa raha hai

gharib-o-amir us ke shaidai yaksan
pasandida-e-khas-o-am aa raha hai [...]

jazba-e-ushshaq kaam aane ko hai
phir laziz-o-shirin jam aane ko hai

mausam-e-sarma ki aamad marhaba
kyunki is mausam mein aam aane ko hai [...]

ho raha hai zikr paiham aam ka
aa raha hai phir se mausam aam ka

nazm likh kar us ke istiqbaal mein
kar raha hun khair-maqdam aam ka [...]