gham-e-ashiqi se kah do rah-e-am tak na pahunche
mujhe khauf hai ye tohmat tere nam tak na pahunche

main nazar se pi raha tha to ye dil ne bad-dua di
tera hath zindagi bhar kabhi jam tak na pahunche [...]

nadi ka aab diya hai to kuchh bahaw bhi de
meri ghazal ko naya-pan bhi de rachaw bhi de

chala ke sard hawa mujh ko munjamid bhi kar
pighal ke phailna chahun to ek alaw bhi de [...]

tu ne ghaarat kiya ghar baithe ghar ek aalam ka
khana aabaad ho tera ai mere khana-kharab

hijr ki shab nala-e-dil wo sada dene lage
sunne wale raat katne ki dua dene lage

dar dar phirte logon ko dar de maula
banjaron ko bhi apna ghar de maula

jo auron ki khushiyon mein khush hote hain
un ka bhi ghar khushiyon se bhar de maula [...]

rah ka shajar hun main aur ek musafir tu
de koi dua mujh ko le koi dua mujh se