khuda kare ki tere husn ko zawal na ho
main chahta hun tujhe yunhi umr-bhar dekhun

husn hota hai kisi shai ka koi apna hi
aur phir dekhne wale ki nazar hoti hai

ek nau-bahaar-e-naz ko take hai phir nigah
chehra farogh-e-mai se gulistan kiye hue

for a youthful beauty 'gain thirst these eyes of mine
her face being all ablossom then with the glow of wine [...]

husn se arz-e-shauq na karna husn ko zak pahunchana hai
hum ne arz-e-shauq na kar ke husn ko zak pahunchai hai

dekhte hain to lahu jaise ragen todta hai
hum to mar jaenge sine se laga kar us ko

tarif tere husn ki aati hai ghaib se
mere qalam ke sath to yaksar nahin hun main