na tum zaban se jawab dena
jo de sako to gulab dena

na kah sako to, to aisa karna
ki phul rakh kar kitab dena [...]

tumhaare hath se kal hum bhi ro liye sahib
jigar ke dagh jo dhone the dho liye sahib

ghulam aashiq o chaakar musahib o hamraaz
gharaz jo tha hamein hona so ho liye sahib [...]

lipat lipat ke main us gul ke sath sota tha
raqib subh ko munh aansuon se dhota tha

tamam raat thi aur kuhniyan o laten thin
na sone deta tha mujh ko na aap sota tha [...]

agar hai manzur ye ki howe hamare sine ka dagh thanda
to aa lipatiye gale se ai jaan jhamak se kar jhap charagh thanda

hum aur tum jaan ab is qadar to mohabbaton mein hain ek tan man
lagaya tum ne jabin pe sandal hua hamara dimagh thanda [...]

dil dhadakne ka sabab yaad aaya
wo teri yaad thi ab yaad aaya

ai dost hum ne tark-e-mohabbat ke bawajud
mahsus ki hai teri zarurat kabhi kabhi